Thursday, January 8, 2015

كل السِكك شاردة


كل السِكك شاردة، كل القلوب غامقة
واللي حسبته قَرِيب، أصله الأصيل سَكَّة وإنت اللي مش شايف!
أو كنت مش شايف

بل كنت مُتأكّد من توهة في العتمة، وإيد بتتسنّد على حاجة مش حاجة!
ع الجرح كان كاشِف..

عارف إنت لمّا الجرح يقلب برعشة في قلبك لمّا بيتكرّر
ولمّا الغلط بيكون مقصود ومن غير آسف، الرعشة تزيد أكتر!

ولمّا يعدِّي كتير على كل غلطة فـ دول، الوجع خلاص يِعتَدْ!
عامل حساب للجاي
ما بقاش يفرّق بين..
كل الكلام الجد!

كل الكلام بعده بيكون خلاص حمضان!
اللي يحلّل قَسَمْ بالكدب مـ الأوّل

ندمُه اللي فـ الآخِر
ما يتصدّقشي بالحِلفان!

No comments:

Post a Comment