ومُش جايز ولا مُمكِن فِـ الغلط هتتحيَّر

 !ومش جايز ولا مُمكن فِـ الغَلَط هتتحيّر

!وليه ويَّاه بتستكتر

تشُوف الصَّح بِنُص العين

!وسايب شُوفَك للغلط يكُون اكبر

 ..تداري الحق .. تداري النُّور .. تداري جُوّه كُل عيون

 !ما تعترف بيه قُصاد نفسك

 !ولّا انت خلاص بِتستَكبَر

 !ومِستخسَر

 ..ومُش لاقي اي رد لِفعل

 !وعلى خيبتَك بتتشطَّر

كِفاية خُوف ضَمير مَلعُون

كِفاية رُوحَك ياللى صارت بِـ 100 لون

كِفاية تيجي على نفسك

 !فَتِتبعتَر

 ..ويومها

 ..لا هتلاقي صديق جنبك

 !ولا حتّى حبيب لِلغَلَط يفوِّتلك

!وِفِكرَك يَعني لو القَريب شافَك هيتأثَّر ؟

.
.
.

فتِرجع تِفتكِر غَلَطَك اللى شُفتُه كتير بِعين اكبر

 !دَاريت الحق

 !دَاريت النُّور

 !وتعترف بِيه قُصاد نفسك

 !ساعِتها عليها هَتِتحسَّـر

وجايز اوي ومُمكِن

 !تكُون اقوى وتتغيَّر

#صِدق