ولمّا القانى مش مطمّن .. وشوش الناس بقت واحد ..
كدب أو صدق مش راح تفرق .. ما كلّه بيجرى وبياخد ..
تقول اومّااااال !.. انا فيك واثق ..
وبين الثانية والتانية تلاقى القلب مِتّـاخد ..
فتاخد من ده شويّة همس مع الصدق تلزّقهم ..
وتربُطهم بطيبة قلبك ومع غيرك بتحرقهم ..
وترجع تانى بتقلّق .. وبعد شوية بتصدّق!
كلام بالكدب متزوّق .. وكلّه فى الخداع واحد !
تقوم فجأة اوام ساكت .. وفـ حالك كتير شارد
عـ الكدب والتمثيل خلاص بقيت واخد ..
وصمتى يرجع يكتّفنى .. وصدقى جوّايا يحبسنى !
ولمّا ف يوم تضيق بيّا .. هجري لربّى اوام ساجد
ولمّا حد يسألنى بتضحك ليه ؟!
هعلّى الضحكة قدامه
#ومُش رادِد !
No comments:
Post a Comment