سِكَّة طَويلة

سكة طويلة وقطر يفوت

وحلم جميل مش هيموت

نُور فِـ الضّلمة وَحدَك شُوفُه

واوعى تخاف مِش هتمُوت

!إيه يعني صاحِب باعَك ولَّا حبيب خانَك سابَك

ولَّا قريب مِن جَبَرتُه فاض بيه وأوام داسَك

كُتر البُكى مِش هيفيد ولا هيغيَّر بالتَّبديد

ولا تسكُت ولا تكتِم جُوَّاك .. وكأنَّك قال يعني سعيد

رُوح بُص لناس مِن حواليك .. دايقة المُر ومِش بتقُول

ومع ذلك لسَّه بتحلَم

لسَّه بترسِم

ضِحكة جميلة وفِـ جُوفها سلٍّم هَيطُول

هيطُول بيه سَمَا أراضيها اللى فُوقيها فُلان إِتهان

شاف يعني إيه الظُّلم يكون .. عَدْل مَريض فِـ تُوب بهتان

!ولَّا فُلان ولَّا فُلان

يلّا كفاية مِش راح أكمِّل

وَحدَك فِـ طريقَك كمِّل فُوت

 يلَّا قبل ما قطرك يمشي .. وتسمع صُوتُه بيقُول تُوت

سِكّه طويلة#