رِفقًا بِالقوارير

على قد ما البنـات بتضحك وتهزّر وتفرَح .. على قد ما عندُهم قُدرة هائِله على الكِتمان بِكُل أنواعه .. على التظاهُر بِكُل شيء إنُّه طبيعي جِـدَّا .. الإبتسامه طبيعيّه جِـدًّا :) .. الدُّمُوع "المِدَّارِيّـه" فِــ "ضِحك هيستيري لأتفه سبب" ! .. زي "البُكى" بردو لو حد خبطها وهُوّ ماشي غَصب عنُّه .. اهي دمعه "مِـدّاريّه" فِـ أي حاجه والسّلام .. المُّهم ضعفها ما يبانش !

مافيش حد هَيحِـس ابدًا اثناء ما هيَّ بتهوِّن على اللى حواليِها كُل لحظة ألم بيمرُّوا بيها إنّها اكتر انسان فِـ الدُّنيا دي مِحتاج والله بس كِلمه واحده .. "مالِك فيكِ ايه؟!" .. تحِس بيها بس إن فِي حد حاسس اللي جُوّاها !

_تفتِكر يا افندي إنّها حتّى لو اتسألِت السُّؤال ده هتقُولَّك اللى بيها ؟!

_تفتِكر حتّى لو قالِت السبب هتكُون دي حقيقة الدُّمُوع !!

على فِكره .. مِش دايمًا هيحِسُّوا بيها

#رِفقًا_بِالقوارير